Go MOBILITY by MUBIL Europako hegoaldeko mugikortasun jasangarriaren ekosistemaren elkargune profesionala da

Mugikortasun iraunkorraren oraina eta etorkizuna

ZER DA

Go MOBILITY by MUBIL mugikortasun iraunkorraren ekosistemaren elkargune profesionala da, alde industrialean eta digitalean.

Mugikortasun iraunkorra garbia, irisgarria, segurua eta konektatua da.

Go MOBILITY by MUBIL Europa hegoaldeko eragile publiko eta pribatu nagusien topagunea da. Bertan, egungo beharrak eta mugikortasun iraunkorraren etorkizuneko erronkak konponbidean daude.

Euskadi-Nafarroa-Akitania euroeskualdeko bihotzean egingo da, non mugikortasun iraunkorraren irtenbide industrial eta digitalaren balio-kateko eragileak elkartuko dira, balio erantsi handiko trukeak sustatuz, proiektu berritzaileak bultzatuz eta lurraldearen eraldaketa industrialean eragiteko tresnak erraztuz, besteak beste erakusketa-gunea, hitzaldiak, mahai-inguruak eta test drive.

GO MOBILITY by MUBIL esparru abantailatsua da hainbat enpresa eta erakunderentzat: automobilgintzakoak eta ekipamendu elektrikokoak, bateria-fabrikatzaileak, energia-hornitzaileak, azpiegituren eta sareen enpresak (oil, gas eta hidrogenoa), zerbitzuen integratzaileak, konektibitatea eta Big Data, erakunde publikoak eta flota operadoreak. Izan ere, erantzunak eman, eta negozioa sortzen du ibilgailuen, berriz kargatzeko azpiegituren, trakzio edo birkargako aplikazioetarako energia biltegiratzearen, mugikortasun elektrikoko zerbitzuen, ekosistema globalaren eta mugikortasun iraunkorreko merkatuen inguruan.
Negozio-aukera berriak bilatzen dituzten operadoreak, erosleak, hiriko erabakitzaileak eta enpresa eta zerbitzu-hornitzaileak etorriko dira bisitan.

ZERGATIK EUSKADIN?

Mugikortasun zerbitzu berrien arloan lan egiten duten eskualdeen abangoardian dagoelako Euskadi. Eskarmentu handiko industria-ehun berritzailea du, balio-kate osoan zehar hedatuta, eta enpresa erreferenteak, Europa mailan aintzat hartutako zentro teknologikoak, kluster dinamiko eta espezializatuak, talentua biltzen duten unibertsitateak, lanbide-heziketako zentroak, eta mugikortasun iraunkorreko irtenbide berritzaileak zehazten eta abiarazten aurrendari izandako ekintzaileak eta eragile publikoak ditu, halaber.

HELBURUAK

Europan mugikortasun jasangarriaren esparruan dauden berrikuntzen eta aurrerapenen erakustoki izatea.

Mugikortasun jasangarriaren irtenbide industrial eta digitalaren arloko behar eta erronken, eta produktu eta irtenbideen, trukerako jokaleku izatea.

Mugikortasun jasangarriak industriarako sortzen dituen abaguneak zabaltzea.

Mugikortasun jasangarriaren zerbitzuetan inplikatutako sektoreen arteko lotura erraztea: automobilgintza, azpiegiturak, energia, telekomunikazioak eta eraldaketa digitala.

Talentu inspiratzailea eta/edo nazioartekoa erakartzea ekitaldira.

Parte-hartzaileen artean negozioa sor dadila sustatzea.

Eremu honetako etorkizuneko premiei erantzuna emango dieten profesional berriak prestatzeko zer erronka eta joera dauden ezagutzea.

Ingurumenaren iraunkortasuna sustatu.