HIZLARIAK

Maria Tsavachidis

Zuzendari nagusia

EIT Urban Mobility

Maria Tsavachidis andrea EIT Urban Mobility-ko zuzendari nagusia da. EIT Urban Mobility Europako komunitate bat da ezagutza eta berrikuntza ardatz dituena hiri-mugikortasun jasangarriranzko eta hiri-espazio bizigarrietaranzko bidea azkartzeko. 2018an Europako Berrikuntza eta Teknologia Institutuan sartu aurretik, Siemens enpresako Berrikuntzako arduraduna izan zen 20 urtez baino gehiagoz. Enpresa horretan, hainbat postu bete zituen. Garraio-sistema adimendunen arloan hasi zuen ikertzaile-ibilbidea, eta zirkulazio-ingeniaritzako doktoretza egin zuen Municheko Unibertsitate Teknikoan.

Prof Carlos Moreno

Zuzendari zientifikoa, ETI katedra,

IAE Paris–Université Panthéon Sorbonne

Carlos Moreno ikertzailea da, eta nazioartean izen onekoa.

Kolonbian jaio zen, eta Frantzian bizi da duela 40 urtetik. Gaur egun, irakasle elkartua da Pariseko Panthéon Sorbonne Unibertsitatean. Han, ETI (Ekintzailetza-Lurraldea-Berrikuntza) katedrako zuzendari zientifikoa da.

Carlos Morenoren ekarpenak originaltasunagatik baloratzen dira nazioartean eta toki-gobernantzako proiektu eta hiri-eraldaketa ugaritan sartzen dira Frantzian eta mundu osoan. Estatuko eta nazioarteko pertsona ospetsuen kontseilaria da, eta Anne Hidalgo Pariseko alkatearen aholkulari berezia. Bere “15 minutuko hiria / ordu-erdiko lurraldea” kontzeptuak, Parisen sortua, munduari bira eman dio hirigintzaren, kronotopiaren eta topofiliaren bidezko hiri- eta lurralde-ikuspegi berri gisa.

Bere lanen helburua da gure bizimoduaren eta hiri-espazioen eraldaketa sustatzea eta irtenbideak eskaintzea XXI. mendean hiriek, metropoliek eta lurraldeek dituzten erronka handiei.

2010ean, Frantziako Errepublikak Ohorezko Legioaren Ordenaren domina eman zion Carlos Morenori; 2019an, Prospektibaren Domina eman zion Frantziako Arkitektura Akademiak, eta 2021ean, Obel Award saria, Henrik Frode Obel Foundation-ek.

Aleksandra Klenke

Politiken arduraduna, Europako Batzordea

TMugikortasuneko eta Garraioko Zuzendaritza Nagusia, Garraio Jasangarri eta Adimenduneko Unitatea

Aleksandra Klenke, Europar Batasuneko mugikortasun- eta garraio-politiken arduraduna da garraio jasangarri eta adimendunaz arduratzen den Unitatean. Garraiorako erregai alternatiboen azpiegituran lan egiten duen taldeko kidea. 2014. urtean, Europako Batzordean sartu zen. 2003tik eta 2013ra bitartean, garraioaren eta energiaren sektoreetarako Europako Ekonomia eta Gizarte Batzordean lan egin zuen. Ikertzaile honek proiektu ekonomikoetan parte hartu du Belgikako Monseko Unibertsitate Katolikoan 2000tik 2003ra. Varsoviako Ekonomia Eskolan (Polonia) eta Lilleko Unibertsitatean (Frantzia) graduatua da Kudeaketa Estrategikoan eta Europako Ekonomian.

Valentino Sevino

Plangintzarako Arloko zuzendaria

Milango Mugikortasun, Ingurumen eta Lurralde Agentziako Mugikortasuna

Valentino Sevinok Arkitekturako lizentzia eskatu zuen, Milango Politeknikoan, eta Ingurumen Ingeniaritzako masterra egin zuen, Turingo Politeknikoan, Lausanako Eskola Politekniko Federalean eta Savoie Mont Blanc Unibertsitatean (Chambéryn). Europako Batzordean, Milango Metropolialdean eta Milango Udaleko Mugikortasun, Ingurumen eta Lurralde Agentzian mugikortasunaren eta ingurumenaren esparruan hamar urtez jardun, eta, 2008tik, Milango Udaleko Mugikortasun, Ingurumen eta Lurralde Agentziako Mugikortasunaren Plangintzarako Arloko zuzendaria da. Esparru hauek jorratzen ditu: mugikortasun jasangarria (mugikortasun elektrikoa, baterako mugikortasuna), garraio publikoaren plangintza eta erregulazioa, oinezkoentzako guneak, bizikleta bidezko mugikortasuna, aparkamenduaren erregulazioa, hiri adimenduna, hiriko logistika…

Ángeles Marín Andréu

Mugikortasuneko Estrategia Bulegoko zuzendaria

MITMA

Ángeles Marínek telekomunikazioetako ingeniaritza-ikasketak egin zituen Madrilgo Unibertsitate Politeknikoan, eta 2006tik Estatuko funtzionarioa da Informazio Sistema eta Teknologien goi-mailako kidegoan.

2012tik Sustapen Ministerioan egiten du lan (gaur egun, Garraio, Mugikortasun eta Hiri Agendako Ministerioa). Garraioetako Idazkaritza Nagusiko kabinete teknikoan egin zuen lan (2012-2016), bai eta Nazioarteko Harremanen Zuzendariordetzan ere (2016-2019), eta 2020ko urtarriletik Mugikortasuneko Estrategia Bulegoa zuzentzen du, Garraioen eta Mugikortasunaren Idazkaritza Nagusian.

Postu horretan hainbat ekimen koordinatzeaz arduratzen da: Mugikortasun Seguru, Jasangarri eta Konektatuaren 2030erako Estrategia idatzi, zabaldu eta abiarazteko prozesua, Mugikortasun Jasangarriko Legearen aurreproiektua idazteko lanak eta Suspertze, Eraldatze eta Erresilientzia Planeko neurriak gauzatzea, guztia ere Garraio idazkaritzaren alorrean.

Manel Villalante

Garapen eta Estrategiako zuzendari nagusia

Renfe

Gaur egun, Renfeko Garapen eta Estrategiako zuzendari nagusia da Manel Villalante, eta Txekiako Leo Express operadoreko presidentea eta Renfe of Americako CEO (Zuzendari nagusia). Gainera, UICeko (Trenbideen Nazioarteko Batasuna) Bidaiarien Foro Globaleko (Global Passengers Forum) presidentea da

Lehenago, Barcelona Regional Agencia de Desarrollo Urbano enpresako Mugikortasuneko eta Garraio Azpiegituretako zuzendari nagusia izan zen (2012-2018), Sustapen Ministerioko Lurreko Garraioaren zuzendari nagusia (2010-2012), Kataluniako Generalitateko Lurreko Garraioaren zuzendari nagusia (2007-2010), Bartzelonako Udaleko Mugikortasuneko zuzendaria (1991-1997), eta hainbat zuzendaritza-kargu bete ditu Ferrocarriles de la Generalitat de la Catalunya-n (FGC) 2004-2007 artean, eta Bartzelonako Transportes Metropolitanos-en (TMB) 2000-2004 artean.

Era berean, hainbat Administrazio Kontseilutako kide izan da, hala nola Renfe Operadoran, TMBn, FGCn edo Abiadura Handiko Sagrera Partzuergoan.
Esparru akademikoan, gaur egun, Kataluniako Unibertsitate Politeknikoko Smart Mobility: Garraio-sistema adimenduneko graduondokoa zuzentzen du, eta unibertsitate berean Garraioaren Plangintza eta Ekonomiako irakaslea izan da.

Daniel Serra

Innovation Hub Director South

EIT Urban Mobility

2019tik Danielek EIT Urban Mobilityren sorreran parte hartu du, eta Hegoalderako Innovation Hub Director izendatu zuten 2020ko urtarrilaren 1ean. Danielek hainbat urteko esperientzia du Hiri Mugikortasunaren arloan. 2015etik, Daniel CARNETeko proiektuen zuzendari exekutiboa izan da (Future Mobility Research Hub). Bertan, hasierako jarduerak garatzen, ikerketa-prozesuak eta -jarduerak abian jartzen eta proiektuak zuzentzen lan egin du, besteak beste, Virtual Mobility Lab, Bartzelonako metropoli-eskualdeko lehen eredu makroskopikoa edota MaaS Cataluña proeiktua (mugikortasuna zerbitzu gisa). 2003 eta 2015 urteen artean automobilgintza sektorean lan egin zuen, automobil ekoizle nagusientzat (Ford, Volvo, Land Rover, Seat, vw, Daimler). Danielek ESADErekin elkarlanean ari da, hainbat MBA ikastarotan.

Danielek automobilgintza berriaren errealitate ekonomikoaren inguruko mahai inguruan parte hartuko du, finantzaketa eta ibilgailu elektrikoen inguruan izango dena.

Joseba Lasa

Electric Aircraft Lab-eko arduraduna

Tecnalia

Joseba Lasa Industria Ingeniaritzako doktorea da Bilboko Ingeniaritza Eskolatik, eta, gaur egun, Electric Aircraft Lab-eko arduraduna da Tecnalian. Bertan, sektore aeronautikoaren prospekzioan eta etorkizuneko estrategian lan egiten du, bai eta produktu berriak asmatu eta sortzen ere, eskala errealean fabrikatu eta baliozkotzeko. Lan horren ondorioz, Lauren sortu dute, hiri-aireontzi elektrikoa (aireko taxia). Hegazkinaren kontzeptu disruptiboa da, hiri-inguruneetan errazago integratzeko aukera ematen duena (segurua, eraginkorra eta neurri txikikoa), eta lurreko ibilgailuen erosotasunaren antzeko hegaldi-esperientzia eskaintzen du. Aireontziak, berriki, Mugikortasuneko Proposamen Onenaren Open House Madrid saria jaso du, eta baita droneen sektoreko Berrikuntzako Enaire saria ere.
Electric Aircraft Lab-en bereizgarriak dira etorkizuneko prospekzio teknologikorako gaitasuna duela eta gertuko etorkizun hori asmatu egiten duela, baina, horretaz guztiaz gain, zer ideia diren egingarriak eta nola bihurtu errealitate fisiko ere badaki. Bere taldeak abangoardiako ikerketan dihardu; izan ere, dinamika- eta kontrol-arloetan aireko garraioaren eta robotikaren oinarrizko printzipioak aztertzeko aukera ematen dieten plataforma esperimental sortzaileak diseinatu eta eraikitzen ditu.

Noemi Moya

Espainia, Italia, Frantzia eta Belgikarako Erakunde eta Gobernu Harremanetarako zuzendaria

Voi Technology

Sektore publikoan nahiz pribatuan 20 urteko esperientzia duen profesionala. Gaur egun, Espainiako, Italiako, Frantziako eta Belgikako Gai Publikoen eta Merkatu Garapenaren eskualde-zuzendaria da Voi Tecnologyn. Exekutibo-karguak izan ditu Nissan Europan, Kanpo eta Gobernu Harremanetarako zuzendari gisa, Kataluniako Generalitateko Enpresa eta Ezagutza Sailean, kontseilariaren kabineteko zuzendari gisa, edo Enpresa Lehiakortasunerako Kataluniako Agentzian. Europar Batasuneko hainbat lan-batzordetako kide ere izan da Bruselan, eta sektore publikoko aholkulari gisa ere aritu izan da. 
Zientzia Politikoetan eta Administrazio Publikoan lizentziaduna (UAB), Kultura arteko Harremanetako graduondokoa (Ekialdeko Asia) unibertsitate berean, eta master-ikasketak Asiako geopolitikan (Hego Koreako Chonbuk National University). 

David Fidalgo

Zuzendari nagusia

Y Mobility

David Fidalgoren prestakuntza automobilgintzako, ingeniaritzako, sistema digitaletako eta enpresa-berrikuntzako sistema kritiko eta integratuetan ardazten da. Aditua da nazioartean onartutako teknologian, eta 15 urteko esperientzia du mugikortasun autonomoaren eta konektatuaren merkatuan. Lanpostu globalak bete ditu aholkularitzan (7 urte, Altranen) eta industrian (4 urte, Ford & JLR enpresan), besteak beste, Estrategia Globaleko kudeaketa-postu batzuk. Altranekin bat egin aurretik, PAG taldearen (Ford, Volvo, JLR, Mazda) elektrifikazio- eta mugikortasun-estrategia orokorra garatu zuen, produktu onenak eta merkatura ateratzeko estrategia ebaluatzeaz arduratzen den berrikuntza-taldeko kide gisa. Gaur egun, Y-Mobility-ko zuzendari nagusia da. Y-Mobility aholkularitza-enpresa bat da, eta zuzendari nagusiekin, exekutiboekin eta bakarrik dauden enpresaburuekin elkartzen da, mugikortasun adimenduna bultzatzeko.

Lluís Molina

Business Development Manager

Europako Baterien Aliantza – EIT innoEnergy

Business Development Manager – Europako Baterien Aliantza – EIT innoEnergy
Lluís Molina ekonomista eta masterduna da Essexeko Unibetsitatetik. Hogeita bost urtetik gorako esperientzia du proiektu industrialen garapenean, Cleantech-a eta ekonomia zirkularra ardatz hartuta. Gaur egun, lehengaiak erauzi eta fintzeko proiektu estrategikoak sustatzeko arduraduna da Europako Baterien Aliantzan (www.eba250.com).

Ángel Lequerica

Dibertsifikazioko negozio berrien garapeneko zuzendaria

Fagor Ederlan Taldea

Dibertsifikazioko negozio berrien garapeneko zuzendaria Fagor Ederlan Taldean. Gaur egun, mugikortasunerako battery pack system delakoekin lotura duten negozioen garapena koordinatzen dut, eta automobilgintzako OEMrekin lotutako aukerak zuzentzen ditut. Lehenago, Kalitate eta Sistemetako zuzendaria izan nintzen FIT Automoción-en (Fagor Ederlanen eta Continentalen arteko JVa, Bergaran), eta askotariko funtzioak izan nituen kalitatearen eta proiektuen kudeaketerekin lotuta ITT Automotive enpresan (Madril). Ingeniari tekniko aeronautikoa UPMn.

Arturo Pérez de Lucía

Zuzendaria

AEDIVE

Arturo Informazio Zientzietan lizentziatua da eta 20 urtez baino gehiago argitalpen profesionalen zuzendari izan da eraginkortasun energetikoa, eraikuntza, arkitektura eta mugikortasun iraunkorraren eremuetan. 2011an AEDIVE-ren zuzendaritza hartu zuen, Espainian mugikortasun elektrikoa bultzatzeko jaio zen elkartea. Gaur egunean, elkarteak mugikortasun elektrikoaren kateko balio industrialeko , teknologiko eta serbitzu maila desberdinak ordezkatzen dituzten 130 enpresa baino gehiago batzen ditu, eta Erakunde Zentral, erregional eta lokalentzat errerentziazko elkartea da mugikortasun elektrikoan. Arlo pertsonalean, Arturok jadanik zenbait ibilgailu elektriko eskuratu eta gidatu ditu zenbait urtez eta 150000km baino gehiagoko esperientzia dauka huts emisioko ibilgailuak gidatuz.

Mónica Díaz

Teknikaria- Eraginkortasun Energetikoaren eta Iraunkortasunaren Arloa

EEE Euskal Energia Erakundea

Monica Díaz, Goi-mailako Industria Ingeniaria, Energiaren Euskal Erakundearen Energia Eraginkortasun eta Iraunkortasun Arloko teknikaria da, eta 10 urte baino gehiago daramatza mugikortasun jasangarria, oro har, eta mugikortasun elektrikoa sustatzen.

Jon Asin

CEO eta fundatzaile-kidea

BeePlanet Factory

BeePlanet Factory enpresako kudeatzailea eta fundatzaile-kidea (2018ko martxoan), ibilgailu elektrikoen bateriak berrerabiltzera eta horiek kargatzeko sistemetara bideratutako startup-a. Bee Planet-ek 2019ko otsailean La Caixaren Ekintzaile XXI Saria irabazi zuen Nafarroan (https://bit.ly/2Nfj7Ve) eta baita Expansion-eko Startup Saria ere (https://bit.ly/38aBKTI).

UPNAren eskutik Telekomunikazio ingeniaria, 20 urtetik gorako esperientzia du Jonek mugikortasun elektrikorako garrantzi handiko hiru sektoretan: energia (Ingeteam Power Technology), Automobilgintza (TRW Automotive) eta IKTak (Telefonica Móviles, Matra Nortel, S21sec). 2011n AEDIVEren (Ibilgailu Elektrikoa Kargatzeko Azpiegituraren Enpresa Berritzaileen Elkartea) fundatzaile-kidea izan zen, haren presidente kargua izanda 2016tik 2018ra, eta 2009tik 2015era “Electric road vehicles and electric industrial trucks” IECeko TC69 batzordeko kide aditua izan zen, hauxe ibilgailu elektrikoentzako eta kargagailuentzako nazioarteko araudia prestatzeaz arduratzen da.

Aitor Fernández

Presidentea

Ibilgailu Autonomo Konektatuaren Espainiako Elkartea

Enpresen Administrazio eta Zuzendaritzan lizentziatua, Aitorrek sektore teknologikoko eta azpiegituren sektoreko erakunde aldeaniztunentzat eta enpresa multinazionalentzat lan egin du berrikuntzarekin, komunikazioarekin eta enpresa-estrategiarekin lotutako jardueretan.
Horrez gain, Asturiasko ekosisteman hainbat startup prestatzen eta garatzen ere lagundu du; azkenean, Espainian aintzatetsi egin dituzte.
Gaur egun, AEVACeko buru da, asmotzat hartuta mugikortasun adimenduneko, iraunkorreko eta integratzaileko eredu bat bultzatzea, pertsona guztien bizi-kalitatea hobetzeko autonomia eta konektibitatean oinarrituta.

Nora Spiegel

Mugikortasuneko Ekosistemetako taldeburua

AustriaTech

Nora Spiegel mugikortasunean aditua da AustriaTech-en, eta Mugikortasun Ekosistemen Taldea zuzentzen du bertan. Ingurumen-baliabideen kudeaketan masterra du, eta mugikortasun jasangarrirako trantsizioari buruzko bere tesian lan egiten du. Hainbat ikerketa-proiektutan la egin du, bai Espainian bai nazioartean, mugikortasunaren portaeraren eta mugikortasun-sistemako trantsizioen arloan, eta lan horri esker, esperientzia hartu du mugikortasunaren portaera-aldaketen mekanismoetan eta horiek ingurune desberdinetan dituzten inpaktuetan. ENUAC CATAPULT proiektua zuzentzen du AustriaTech-en, mugikortasun-zerbitzu berriak egokitzeko eta zabaltzeko kogenerazio-metodoetan oinarrituta

Juan José Rodríguez Ballesteros

Founder and Managing Partner

Green B2E

Juan José Rodríguez lizentziaduna da Mekanikan espezializatutako Goi Mailako Industria Ingeniaritzan, Valentziako Unibertsitate Politeknikoan. Energia Berriztagarriei eta Energia-Efizientziari buruzko Master Exekutiboa du, Valentziako Energiaren Institutu Teknologikoak emana, eta Zuzendarientzako Programa egin zuen ESADE Business School-en, Bartzelonan, eta Master Executive MBA, London Business School-en.

Ekintzaile bat da, eta GreenB2E, JRB Green Consulting LTD (Erresuma Batua eta Arabiar Emirerriak) enpresa-taldeko sortzaileetako bat da, eta taldearen nazioarteko hedapena estrategikoki zuzentzen du. Enpresa horiek zenbait eremu geografikotan energia- eta jasangarritasun-sektorean jarduten dute, hala nola, Europan, MENAn, LATAMen eta AFRIKAn. Energiaren eta jasangarritasunaren Sektorean 20 urtetik gorako esperientzia egiaztatzen du, eta aktiboki parte hartu du ingeniaritzako jardueratan, garapenean, sustapenean, EPC eraikuntzan, energia berriztagarriak eskala handian ekoizteko instalazioen finantzaketan eta eragiketan (Utility Scale) eta energia-efizientziako proiektuetan, mundu osoan. Esperientzia egiaztatua du, eta ezagutza tekniko handiak ditu eguzki-teknologia fotovoltaikoan, eguzki-energia termoelektrikoan, energia eolikoan, energia mini hidroelektrikoan, biomasan eta hondakinen balorizazio energetikoan. Halaber, teknologia horien proiektuak garatu ditu, besteak beste, Iberdrola, Acciona Energía, BP Renovables, Grupo Total Renovables, Enel Renovables, Gamesa Energía eta Engie enpresekin batera. Halaber, Fintech sektorearekin, energia berriztagarriekin eta Blockchain teknologiarekin zerikusia duten zenbait start up berritzaileren sortzaileetako bat izan da, eta haien inkubazioan, azelerazioan eta garapenean parte hartu du, energia-sektorerako proiektu aitzindariak garatuz, hala nola energia-trukerako Grennovation plataforma eta Marketplace de CO2 (karbono-kredituak) eta Blockchain oinarri duen energia, borondatezko energia-merkatuetan, energia-komunitateetan, biltegiratze-sistemetan, hidrogeno berriztagarrian eta mugikortasun elektrikoan aplikatzekoa, besteak beste.

Gaur egun, estrategikoki zuzentzen du Espainiako, Italiako eta Middle Easteko taldeek osatutako nazioarteko partzuergo bat. Horiek liderrak dira karbono gutxiko hidrogenoa ekoizteko teknologietan, eta proiektuak garatzen ari dira Espainian, Errumanian, Arabiar Emirerri Batuetan, Israelen eta Aljerian hidrogenoa eta erregai sintetikoak (amoniakoa eta metanola) sortzeko. Halaber, partzuergo hori garraio-sektoreko (errepidea eta itsasoa) azpiegiturak sortzeko proiektuetan sartuta dago, hidrogenoa banatzeko eta hornitzeko eta hidrogenoaren bidez deskarbonizatzeko.

Jordi Carmona

Estatuko Automobilgintzako sektoreko idazkaria

UGT FICA

Nissan Zona Frankako langilea, Nissan Zona Frankako UGT FICAko idazkari nagusia, Nissaneko UGT FICAko bozeramailea Estatuan eta Nissaneko Europako Batzordeko kidea. Sindikatuan, Kataluniako UGT FICAko Ekintza Sindikaleko idazkaria izan nintzen eta orain hau.

Gaizka Lazarobaster

Mugikortasun adimendun eta jasangarriko ikertzailea

TKNIKA / Euskadiko LHko Ikerketa Aplikatuko Zentroa / HEZKUNTZA SAILA / Lanbide Heziketako Sailburuordetza

GAIZKA LAZAROBASTER ARAKISTAIN • Lanbide-heziketako goi-mailako gradua ibilgailu autopropultsatuen mantentze-lanetan • AUTOMOZIOKO lanbide-heziketako irakasle teknikoa • Ibilgailu autopropultsatuen mantentze-lanen familiako irakasleen prestakuntza-beharren koordinazioa (Lanbide Heziketako Sailburuordetza) • Mugikortasun adimendun eta jasangarriaren ikertzailea TKNIKAn (Euskadiko LHko Ikerketa Aplikatuko Zentroa) • TKGUNE AUTOMOZIOA proiektuaren dinamizatzailea (Automobilgintzako enpresentzako lankidetza eta prestakuntza) • EUSKELEC ibilgailu elektrikoen txapelketaren antolatzailea (5 edizio).

David Valls

Zuzendari nagusia

Extremadura New Energies

15 urteko esperientzia Europako proiektuetan lehengai kritikoen sektorean. Gaur egun, Extremadura New Energies proiektu industriala garatzen eta abian jartzen lan egiten du, Caceresen LiOH bateria-graduan ekoizteko.

Dr Elisa Sayrol Clols

Kataluniako Unibertsitate Politeknikoko Irakasle Titularra (UPC)

CARNETeko Batzorde Akademikoa

Elisa Sayrol Telekomunikazio Ingeniaritzan doktorea da Kataluniako Unibertsitate Politeknikoan (1994).
CARNETeko Batzorde Akademikoko kide da, UPCk SEAT eta VW Researchekin batera sortutako ezagutza-hub bat. EIT Urban Mobility-ko UPCko ordezkaria izan da 2019ko urtarriletik 2022ko urtarrilera; aldi horretan, UPCko Hiri Mugikortasuneko Masterra ere koordinatu du. Bartzelonako Telekomunikazio Ingeniaritza Eskolako zuzendariordea eta zuzendaria izan zen, baita UPCko Erakunde Harremanetarako errektoreordea ere, hori guztia 2001-2013 aldian.
Ikerketarako, argitalpenetarako eta proiektuetarako interesek barne hartzen dute ikaskuntza automatikoko eta ikaskuntza sakoneko tekniken azterketa, ordenagailu bidezko ikuspegia dakartenak, bereziki hiri-mugikortasuneko aplikazioetan. Proiektu bat koordinatzen du eta EIT Urban Mobilility erakundeak finantzatutako hainbat proiektutan parte hartzen du, horietako bat Women in Urban Mobility.

Carlos Poveda Rey

CEO

UMILES Group

Carlos Poveda CEO eta UMILES Group enpresaren sortzailea da, nazioartean hiru dibisio dituen enpresa espainiarra; UMILES UAV, tripulaziorik gabeko aire-sistemetan liderra (UAS), hamar herrialdetan baino gehiagotan neurrira zerbitzuak eskaintzen dituena lau kontinentetan, UMILES Next, mugikortasun aurreratuko eta iraunkorreko soluzioak eskaintzen dituena aireko eta lurreko inguruneetan, eta 4UJet, hegazkingintzako eta garraio organoetarako garraio nazionaleko konpainia. Hegazkingintzako pilotu, hegaldiko irakasle eta segurtasun operazionalean aditu gisa, Carlos Povedak beti sentitu du hegan egiteko grina.