ONGIETORRIA

MUBIL Fundazioaren ongi etorria

Mugikortasun Adimendun eta Jasangarria, etorkizunerako bidea izateaz gain, errealitate bat da dagoeneko. Erronka handia da, baina Mubiletik erronka horri ekiteko apustu irmoa egiten dugu.

Jada bi urte dira Mubil Fundazioa sortu zenetik, eta, pausoz pauso, egindako ahalegina bere fruituak ematen ari da. Horren erakusle dira, besteak beste, Mubilen behin-behineko eraikinaren inaugurazioa, Mubil Mobility Awards sariak, eragile zein enpresa desberdinekin ereindako harreman-sarea… Eta noski, baita GO MOBILITY by MUBIL azoka ere.    

2022ko martxoan, Azokaren hirugarren edizioa ospatuko dugu. Eta oraingoan ere aparteko abagunea eskainiko du mugikortasun berriaren arloko ekosistema guztia elkartzeko eta sinergia eta aukera berriak sustatzeko. Abiadura bizian garatzen ari den sektorea da mugikortasunarena, eta GO MOBILITY by MUBIL azoka honen isla izango da.

Gure lurraldea mugikortasun berriaren eremuan nazioarteko erreferente izatea da gure xedea, eta azokak ere bere ekarpena egingo du honetan: bai gure industria posizionatzeko, baita Europa mailako berrikuntza eta tendentzia nagusiak geuregana gerturatzeko ere.

Etorkizuna hemen dugu. Eta prest gaude. Aurrera jarrai dezagun, elkarrekin, guztiontzako mugikortasun jasangarriago baterantz mugitzen.

Mubil Fundazioa

www.mubil.eus